પ્રેમ

ચેસ્લાવ મીલોસ્ઝ

પ્રેમ એટલે જોતાં શીખવું સ્વયને

જેમ કોઈ જોતું હોય દૂર સુદૂરની વસ્તુઓને

કેમકે તમે છો એક ચીજ અનેક માંહેની   

ને જે  આ રીતે   જુએ છે તે પોતાના હૃદયને સાજું કરે છે

અજાણપણે જ , અનેક દુરીતોથકી.

પંખી અને વાદળ કહે છે એને : મિત્ર.

પછી એ સ્વયંને ને ચીજોને પ્રયોજે છે

જેથી તે ઊભી શકે પક્વતાની આભામહીં.

એ કોની સેવા કરે છે એ જાણવું બહુ અગત્યનું રહેતું નથી,

જે શ્રેષ્ઠ સેવા કરે છે તે હમેશાં સમજે છે એમ નથી હોતું.